Хуучин сандал

Хуучирч гандсан явган сандал
Хуурамч хайр, хоосон үнсэлтэд залхсан бүсгүй мэт
Намрын цэцэрлэгт уйтгарлана.
Хөлөөр нь хөглөрөх сүүлчийн навчис
Нулимс адил салхинд хийснэ...
Хэзээ, хаана, хэдүйд би
Хэний төлөө
Хуучирч гандсан явган сандал шиг
Хувь заяандаа хөөгдсөн навчис шиг
Гуниглан чичирч явлаа?
Сэтгэлийн минь гүнд тийм нэгэн дурсамж үлджээ
Сэршгүй бөх нойрондоо дурсамж минь автжээ.
Залуу нас минь тэр дурсамжийн цаана
Замд гарч үзээгүй мөрөөдөгч адил,
Зандалчинд хөөгдсөн ишиг адил хоцорчээ...

Ц.Буянзаяа, 2002.4.4
Posted by at
Labels:

4 comments:

  1. Я.БаярааNovember 30, 2012 at 5:14 PM

    Hezee l yum buhen
    Hem haluun setgelees
    Hen negnii jargalant ineemsegelees
    Turj bailaa daa.

    ReplyDelete
    Replies
    1. UnknownNovember 30, 2012 at 5:24 PM

      Хэзээ, хаана, хэдүйд би
      Хэний төлөө
      Хуучирч гандсан явган сандал шиг
      Хувь заяандаа хөөгдсөн навчис шиг
      Гуниглан чичирч явлаа?

      Delete
  2. FrankDecember 4, 2012 at 6:16 AM

    Хэзээ л би(д) ингэтлээ шаналж
    Хэн нэгнээр дутаж, гутаж
    Хаа нэгтээ гээгдсэн балгас
    Хана туурганд сараачсан дүрс шиг
    Сүүмийн ёлтойж,
    Сүглийн сэртийж явлаа


    Залуу нас гэдэг
    Зандалчинд хөөгдсөн буга адил харван одохуй

    ReplyDelete
  3. Б.БатзаяаDecember 11, 2012 at 10:09 AM

    Буянзаяа ах Бунзаяа болсноо харуул уурлана даа.

    ReplyDelete

Subscribe to: Post Comments (Atom)